യേശു ദൈവമാണെന്നതിന് ബൈബിളില് തെളിവോ?

Nasiyansan said...
December 15, 2010 4:09 PM 

ഈശോയുടെ ദൈവത്വം വ്യക്തമാക്കേണ്ട സന്ദര്‍ഭങ്ങളില്‍, അവിടുത്തെ ദൈവത്വത്തിന്‌ ഊന്നല്‍ കൊടുക്കുന്ന വാക്യങ്ങളും മനുഷ്യത്വം< സ്‌പഷ്‌ടമാക്കേണ്ട സന്ദര്‍ഭങ്ങളില്‍, അവിടുത്തെ മനുഷ്യത്വത്തിന്‌ ഊന്നല്‍ കൊടുക്കുന്ന വാക്യങ്ങളും പുതിയനിയമം പ്രയോഗിച്ചിരിക്കുന്നു. ലാസറിന്റെ കുഴിമാടത്തില്‍ മനുഷ്യനെന്ന നിലയില്‍, ദുഃഖാര്‍ത്തനായി വിലപിക്കുന്ന ക്രിസ്‌തു, `ലാസറേ, പുറത്തുവരൂ' എന്ന ശബ്‌ദത്താല്‍ അയാളെ പുനരുജ്ജീവിപ്പിച്ച്‌, ക്രിസ്‌തു അവിടുത്തെ ദൈവത്വം പ്രസ്‌പഷ്‌ടമാക്കി (യോഹ. 11:43). അതുപോലെ, പട്ടിണിപ്പാവങ്ങളെ കണ്ട്‌ മനസലിഞ്ഞ അവിടുന്ന്‌, തന്റെ ദൈവികശക്തി പ്രയോഗിച്ച്‌ അനേകായിരങ്ങളെ തീറ്റിപ്പോറ്റി (മത്താ. 15:32). താബോര്‍ മലമുകളില്‍ സ്വന്തം ദൈവത്വപ്രദര്‍ശനത്താല്‍ ശിഷ്യത്രയത്തെ ആനന്ദനിര്‍ല്ലീനരാക്കിയ ക്രിസ്‌തു, ദുഃഖവെള്ളിയാഴ്‌ച, നാനാവിധ പീഡനങ്ങള്‍ക്കും അവഹേളനങ്ങള്‍ക്കും സ്വയംവിധേയനായി; അവിടുത്തെ മനുഷ്യപ്രകൃതിയുടെ തനിനിറം പ്രസ്‌പഷ്‌ടമായി; എന്നാല്‍ ഈസ്റ്റര്‍ ഞായറാഴ്‌ച സുപ്രഭാതത്തില്‍ പ്രഭാപൂരിതനായി, മഹത്വപൂര്‍ണനായി സ്വശക്ത്യാ ഉയര്‍ത്തെഴുന്നേറ്റപ്പോള്‍, കര്‍ത്താവീശോ തന്റെ ദൈവത്വം പ്രകടമാക്കി. ഇങ്ങനെ, പൂര്‍ണമായ അര്‍ത്ഥത്തില്‍ ദൈവവും മനുഷ്യനുമായ ഈശോയെപ്പറ്റി പരാമര്‍ശിക്കുമ്പോള്‍, പുതിയ നിയമം ദൈവത്വപ്രധാനവും മനുഷ്യത്വപ്രധാനവുമായ വാക്യങ്ങള്‍ മാറി മാറി പ്രയോഗിക്കുന്നു.

മറുപടി

മുകളിലുദ്ധരിച്ച അത്ഭുത കൃത്യങ്ങള് യേശുവിന്റെ ദൈവാവസ്ഥയെ വെളിവാക്കുന്നതാണ് എന്നാണ് നാസിയാന്സാനിന്റെ വാദം. യേശു പ്രവാചകനാണ് എന്ന് വിശ്വസിക്കുന്ന മുസ്ലിംകളും യേശുവില് സംഭവിച്ച അത്ഭുതങ്ങള് തള്ളിപ്പറയുന്നവരല്ല. എന്നല്ല ബൈബിള് പോലും പരാമര്ശിക്കാതെ യേശുവിന്റെ ദിവ്യാത്ഭുതങ്ങളെ കുറിച്ച് ഖുര്ആനില് പരാമര്ശമുണ്ട് താനും. ഈ വാക്യങ്ങള് ശ്രദ്ധിക്കുക.

  അല്ലാഹു പറഞ്ഞ സന്ദര്‍ഭം: മര്‍യമിന്റെ മകന്‍ ഈസാ, നിനക്കും നിന്റെ മാതാവിനും നാം നല്‍കിയ അനുഗ്രഹം ഓര്‍ക്കുക: ഞാന്‍ പരിശുദ്ധാത്മാവിനാല്‍ നിന്നെ കരുത്തനാക്കി. തൊട്ടിലില്‍ വെച്ചും പ്രായമായ ശേഷവും നീ ജനങ്ങളോടു സംസാരിച്ചു. നാം നിനക്ക് വേദവും തത്ത്വജ്ഞാനവും തൌറാത്തും ഇഞ്ചീലും പഠിപ്പിച്ചുതന്നു. നീ എന്റെ അനുമതിയോടെ കളിമണ്ണുകൊണ്ട് പക്ഷിയുടെ രൂപമുണ്ടാക്കി. പിന്നെ അതിലൂതി. എന്റെ ഹിതത്താല്‍ അത് പക്ഷിയായി. ജന്മനാ കുരുടനായവനെയും വെള്ളപ്പാണ്ടുകാരനെയും എന്റെ ഹിതത്താല്‍ നീ സുഖപ്പെടുത്തി; എന്റെ അനുമതിയോടെ നീ മരണപ്പെട്ടവരെ ജീവിതത്തിലേക്ക് തിരിച്ചുകൊണ്ടുവന്നു. പിന്നീട് നീ വ്യക്തമായ തെളിവുകളുമായി ഇസ്രയേല്‍ മക്കളുടെ അടുത്ത് ചെന്നു. അപ്പോള്‍ അവരിലെ സത്യനിഷേധികള്‍, “ഈ തെളിവുകളെല്ലാം തെളിഞ്ഞ ആഭിചാരം മാത്രമാണെ”ന്ന് തള്ളിപ്പറയുകയും ചെയ്തു. പിന്നെ അവരില്‍ നിന്ന് ഞാന്‍ നിന്നെ രക്ഷിച്ചു. (Quran 5:116) യേശു തൊട്ടിലില് കിടന്ന് സംസാരിച്ചതായും (19:29-34)  ആകാശത്ത് നിന്ന് ഭക്ഷണത്തളിക ഇറക്കിക്കൊടുത്തതായും (5:114) പറയുന്ന ദിവ്യാത്ഭുതങ്ങള് ബൈബിളിലില്ല. ഖുര്ആനിലെ 19മത് അധ്യായത്തിന്റെ പേര് മറ്യം എന്നും 5മത് അധ്യായത്തിന്റെ പേര് ആ ഭക്ഷണത്തളിക (മാഇദ) യുമാണ്. പക്ഷെ ദിവ്യാത്ഭുതങ്ങള് യേശുവിന്റെ സ്വന്തമായ കഴിവുകൊണ്ടല്ല മറിച്ച ദൈവാനുമതിപ്രകാരവും ദൈവികനിര്ദ്ദേശാനുസാരവും ദൈവേച്ഢക്കനുസരിച്ച് സംഭവിക്കുന്നതാണ്. മുകളിലും വാക്യങ്ങളില് ഇക്കാര്യം വ്യക്തമാക്കുകയും ചെയ്യുന്നു.

മുകളില്‍ വിവരിച്ച കാര്യം ക്രൈസ്തവര്‍ക്ക് ബാധകമല്ല എന്ന ബോധ്യത്തോടെ തന്നെയാണ് അവ വിശദീകരിച്ചത്. ബൈബിളില്‍ ഈ കാര്യങ്ങള്‍ യേശു സ്വയമായി തന്റെ ദിവ്യത്വമുപയോഗിച്ച് ചെയ്താണെന്നു പറയുന്നുണ്ടെങ്കില്‍ ക്രൈസ്തവര്‍ക്ക് അപ്രകാരം വിശ്വാസം പുലര്‍ത്തുന്നതില്‍ യാതൊരു തടസ്സവുമില്ല എന്നു ഞാനും വിശ്വസിക്കുന്നു .കാരണം വിശ്വാസത്തിന്റെ മാനദണ്ഡം എപ്പോഴും താന്‍ ദൈവികമാണെന്ന് വിശ്വസിക്കുന്ന വേദം തന്നെയായിരിക്കും.

പക്ഷെ ബൈബിള് പറഞ്ഞ യാഥാര്ഥ്യം തന്നെയായിരുന്നു ഖുര്ആനിലും ആവര്ത്തിച്ചത് എന്നതായിരുന്നു സത്യം.

യേശു ദിവ്യാത്ഭുതം പ്രവര്ത്തിച്ചതിന് ശേഷം പറയുന്നു...

 “ആമേൻ, ആമേൻ, ഞാൻ നിങ്ങളോടു പറയുന്നു: പിതാവു ചെയ്തു കാണുന്നതു അല്ലാതെ പുത്രന്നു സ്വതേ ഒന്നും ചെയ്‍വാൻ കഴികയില്ല; അവൻ ചെയ്യുന്നതു എല്ലാം പുത്രനും അവ്വണ്ണം തന്നേ ചെയ്യുന്നു (യോഹന്നാന് 5.19)

ആകയാൽ യേശു: “നിങ്ങൾ മനുഷ്യപുത്രനെ ഉയർത്തിയശേഷം ഞാൻ തന്നേ അവൻ എന്നും ഞാൻ സ്വയമായിട്ടു ഒന്നും ചെയ്യാതെ പിതാവു എനിക്കു ഉപദേശിച്ചുതന്നതു പോലെ ഇതു സംസാരിക്കുന്നു എന്നും അറിയും (യോഹന്നാന് 8.28)

പുത്രനെ ബഹുമാനിക്കാത്തവൻ അവനെ അയച്ച പിതാവിനെയും ബഹുമാനിക്കുന്നില്ല. ആമേൻ, ആമേൻ, ഞാൻ നിങ്ങളോടു പറയുന്നു: എന്റെ വചനം കേട്ടു എന്നെ അയച്ചവനെ വിശ്വസിക്കുന്നവന്നു നിത്യജീവൻ ഉണ്ടു; അവൻ ന്യായവിധിയിൽ ആകാതെ മരണത്തിൽ നിന്നു ജീവങ്കലേക്കു കടന്നിരിക്കുന്നു. (യോഹന്നാന് 5.23,24)

ഇനി ദിവ്യാത്ഭുതം എങ്ങിനെ പ്രവര്ത്തിച്ചാലും യേശുവിന്റെ ദൈവത്വത്തിന് തെളിവാണ്, കാരണം മരിച്ചവരെ ജീവിപ്പിക്കുകയും അന്ധന് കാഴച നല്കുകയും യേശും ചെയ്തതാണ് അതുകൊണ്ട്  യേശുദൈവമാണെന്നതില്  യാതൊരു വിധ സംശയവുമില്ല എന്ന വാദത്തിലാണ് താങ്കളിപ്പോഴും നില്ക്കുന്നതെങ്കില് താങ്കള് പഴയനിയമം വായിക്കുക..

2 Kings 4:32-37 

<b>എലീശാ വീട്ടിൽ വന്നപ്പോൾ തന്റെ കട്ടിലിന്മേൽ ബാലൻ മരിച്ചുകിടക്കുന്നതുകണ്ടു. താനും ബാലനും മാത്രം അകത്തു ഉണ്ടായിരിക്കെ അവൻ വാതിൽ അടെച്ചു യഹോവയോടു പ്രാർത്ഥിച്ചു. പിന്നെ അവൻ കയറി ബാലന്റെ മേൽ കിടന്നു; തന്റെ വായ് ബാലന്റെ വായ്മേലും തന്റെ കണ്ണു അവന്റെ കണ്ണിന്മേലും തന്റെ ഉള്ളംകൈകൾ അവന്റെ ഉള്ളം കൈകളിന്മേലും വെച്ചു അവന്റെമേൽ കവിണ്ണുകിടന്നപ്പോൾ ബാലന്റെ ദേഹത്തിന്നു ചൂടുപിടിച്ചു. അവൻ ഇറങ്ങി മുറിയിൽ അങ്ങോട്ടും ഇങ്ങോട്ടും ഒന്നു നടന്നിട്ടു പിന്നെയും കയറി അവന്റെമേൽ കവിണ്ണുകിടന്നു; അപ്പോൾ ബാലൻ ഏഴു പ്രാവശ്യം തുമ്മി കണ്ണു തുറന്നു. അവൻ ഇറങ്ങി മുറിയിൽ അങ്ങോട്ടും ഇങ്ങോട്ടും ഒന്നു നടന്നിട്ടു പിന്നെയും കയറി അവന്റെമേൽ കവിണ്ണുകിടന്നു; അപ്പോൾ ബാലൻ ഏഴു പ്രാവശ്യം തുമ്മി കണ്ണു തുറന്നു. അവൻ ഗേഹസിയെ വിളിച്ചു; ശൂനേംകാരത്തിയെ വിളിക്ക എന്നു കല്പിച്ചു; അവൻ അവളെ വിളിച്ചു. അവൾ അവന്റെ അടുക്കൽ വന്നപ്പോൾ അവൻ: നിന്റെ മകനെ എടുത്തുകൊണ്ടു പോയ്ക്കൊൾക എന്നു പറഞ്ഞു. അവൾ അകത്തുചെന്നു അവന്റെ കാൽക്കൽ സാഷ്ടാംഗം വീണു നമസ്കരിച്ചു തന്റെ മകനെ എടുത്തുകൊണ്ടുപോയി. </b>

2 Kings 4:42-44 

<b>അനന്തരം ബാൽ-ശാലീശയിൽനിന്നു ഒരാൾ ദൈവപുരുഷന്നു ആദ്യഫലമായിട്ടു ഇരുപതു യവത്തപ്പവും മലരും പൊക്കണത്തിൽ കൊണ്ടുവന്നു. ജനത്തിന്നു അതു തിന്മാൻ കൊടുക്ക എന്നു അവൻ കല്പിച്ചു.അതിന്നു അവന്റെ ബാല്യക്കാരൻ: ഞാൻ ഇതു നൂറു പേർക്കു എങ്ങനെ വിളമ്പും എന്നു പറഞ്ഞു. അവൻ പിന്നെയും: ജനത്തിന്നു അതു തിന്മാൻ കൊടുക്ക; അവർ തിന്നുകയും ശേഷിപ്പിക്കയും ചെയ്യും എന്നു യഹോവ അരുളിച്ചെയ്യുന്നു എന്നു പറഞ്ഞു. അങ്ങനെ അവൻ അവർക്കു വിളമ്പിക്കൊടുത്തു; യഹോവയുടെ വചനപ്രകാരം അവർ തിന്നുകയും ശേഷിപ്പിക്കയും ചെയ്തു.</b>

2 kings 5:1-14

എലിശാ സിറിയാ സേനാധിപതി നാമാന്റെ കുഷ്ഠരോഗം സുഖപ്പെടുത്തി

2 kings 6:18-21

ആളുകള്ക്ക് അന്ധതയുണ്ടാക്കി, ആ അന്ധത പിന്നീട് സുഖപ്പെടുത്തി.

1 kings 17:17-22

ഏലിയാവ് ഗൃഹനായികയുടെ കുഞ്ഞിന് ജീവന് കൊടുത്തു

Yeheskel 37:6-10

യെഹസ്കിയേല് പ്രവാചകന് ശ്മശാനത്തിലെ അസ്ഥികള് മാംസം കൊണ്ട് പൊതിയുകയും ജീവിനിടീക്കുകയും ചെയ്തു.

ഇനി പറയൂ പ്രസ്തുത മാനദണ്ഡം വെച്ച് എത്ര ദൈവങ്ങളുണ്ടാവണം?

ഞങ്ങള്‍ക്കൊരു പിതാവേയുള്ളൂ. ദൈവംതന്നെ.'' ദൈവം നിങ്ങളുടെ പിതാവെങ്കില്‍ നിങ്ങളെന്നെ സ്നേഹിക്കുമായിരുന്നു. ഞാന്‍ ദൈവത്തിന്റെ അടുക്കല്‍നിന്നു വന്നിരിക്കുന്നു. ഞാന്‍ സ്വയമായി വന്നതല്ല, അവന്‍ എന്നെ അയച്ചതാകുന്നു.'' (യോഹ: 8:40-42)

അതുകൊണ്ട് നാം യേശു പറഞ്ഞകാര്യം സ്വീകരിക്കുന്നതല്ലെ മോക്ഷത്തിന്റെ മാര്ഗമെന്ന് എനിക്ക് തോന്നി. നിങ്ങള്ക്ക് വിയോജിക്കാം.... 

Posted in: ക്രൈസ്തവത-സംവാദം,ദിവ്യാത്ഭുതങ്ങള്,ബ്ലോഗ് സംവാദം